Punonjësit e rafinerisë së naftës në Ballsh, kanë hyrë në ditën e 9-të të grevës së urie.
Teksa gjendja e tyre shëndetësore sa vjen e përkeqësohet, ende nuk ka një reagim nga qeveria.
Sikur të mos mjaftonte kjo, nuk ka as ambulancë në ambientet e jashtme, për t’iu ofruar ndihmën mjekësore.
Megjithatë, naftëtarët duken të vendosur për ta vazhdua betejën e tyre.
Kreu i sindikatës së Naftëtarëve, Sokol Dutaj tha se nuk po bëhet show, ndaj dhe qeveria duhet të reagojë dhe t’i takojë.
“Ne duan të na dëgjohet kauza jonë. Grevistët kanë probleme kardiake nuk po bëjmë një show, na është sosur durimi. Këta nuk kanë as turp të na kthejnë një përgjigje kërkojmë një zgjidhje, të vinë instancat e duhura e të na kthejnë përgjigje. Këta nuk kanë as turp të na kthejnë një përgjigje, arrijnë deri tek buka fëmijëve tanë. Nuk po kërkojmë lëmosh derën e kanë të hapur le të vijnë të takojnë naftëtarët derën e kanë të hapur’’, tha Dautaj.
Janë rreth 900 naftëtarë të cilët prej dy vitesh kërkojnë marrjen e pagave të prapambetura dhe kërkojnë rinisjen e punës në uzinë.
