Pavarësisht dorëheqjes së ministrit të brendshëm, Sandër Lleshaj dhunës policore dhe dhjetërave të shoqëruarve e të arrestuarve, protestat për vrasjen e 25-vjeçarit Klodian Rasha, kanë vijuar edhe sot në Tiranë.
Protestuesit u afruan tek kryeministria dhe në Bulevard dhe goditën policët me gurë dhe shashka, por u pritën me autobotin me ujë dhe me gazin lotsjellës.
Në momentin që ka nisur afrimi i protestuesve tek institucionet, policia ka nisur shpërndarjen e tyre.
Në këtë protestë të tretë, ata kërkojnë largimin e drejtorit të Policisë së Shtetit, Ardi Veliu, edhe pse kryeministri Edi Rama e ka thënë shkurt dhe qartë që një gjë e tillë nuk do të ndodh, duke shtuar se akti i dorëheqjes së ministrit Lleshaj nuk duhet marrë si dobësi e Shtetit.
Paraditën e sotme, gjykata ka në burg efektivin e ”Shqiponjave”, Nevaldo Hajdaraj, i cili ekzekutoi më 8-dhjetorin, Klodian Rasha, në zonën e Laprakës në kryeqytet.
Gjatë seancës, ai u shfaq i përlotur dhe kërkoi praninë e familjarëve të 25-vjeçarit, për t’i kërkuar falje për veprimin e tij, dhe për të shprehur pendesën.
