Presidenti i Federatës Shqiptare të Futbollit, Armand Duka i ftuar në ‘News 24’ ka folur për herë të parë pas shkarkimit të trajnerit të kombëtares shqiptare, Christian Panucci.
Duka nuk ka komentuar aspak shkarkimin e 45 vjeçarit, teksa ka pohuar se e ka takuar Edi Rejën, por vetëm kaq.
“Duhet të mendojmë Andorrën, me një rezultat pozitiv ëndrra vazhdon”, tha paraprakisht Duka.
Sa i përket zërave për një akord me ish-trajnerin e Napolit dhe Atalantës , Edi Reja, Duka tha se është ende herët për të folur:
“Nuk mund të them asgjë për Edi Rejan për momentin. E kam takuar rastësisht në stadium mbrëmë”, thotë Duka, duke e lënë të hapur çështjen e trajnerit të ardhshëm të Kombëtares.
Italiani nuk drejton një skuadër futbolli që prej vitit 2016, ndërsa mund të jetë zëvendësuesi më i mundshëm i bashkëkombasit të tij, Panuccit.
