Aktivistë të PD-së me në krye Lulzim Bashën, kanë hyrë në ambientet e brendshme të Teatrit Kombëtar, ndërsa kanë kundërshtuar me forcë policinë.
Sikundër duken qartë nga pamjet ekskluzive për “Tirana Today”, shihet se si ish-deputetët demokratë kanë hyrë bashkë me disa qytetarë dhe artistët brenda ambjenteve të Teatrit. Ata kanë hyrë nga dera kryesore, si dhe nga dritaret.
Pasi janë futur në ambientet e brendshme të Teatrit Kombëtar, kreu i PD-së bashkë me ish-deputetët demokratë janë ulur në vendin e spektatorëve, ku disa artistë kanë mbajtur edhe fjalën e tyre të shoqëruar me duartrokitje nga të pranishmit në sallë.
Qytetarët dhe artistët kanë bërë rezistencë për ta ndaluar aksionin e prishjes së Teatrit.
Artistët, një pjesë e të cilëve në lot, janë shprehur me tone të ashpra kundër qeverisë dhe kryebashkiakut Erjon Veliaj. Ata shprehen se do ta mbrojnë edhe me jetën e tyre Teatrin nëse do të duhej.
