Një ditë më parë u raportua se mes viktimave nga tërmeti shkatërrues ishte edhe një vajzë e re, e cila punonte në një hotel në Durrës. Në hotelin “Miramare” u zunë brenda stafi. Rreth orës 4, ata kanë qenë duke mbyllur punën.
Nën gërmadhat e hotelit që shërbente dhe si restorant vijojnë kërkimet, pasi dyshohet se ka dhe persona të tjera në rrënoja. Një nga dëshmitarët ka treguar se pronari i restorantit, sapo ka ndjerë lëkundjet, u ka thënë stafit që të dilnin me urgjencë, pasi ndërtesa kishte dhënë shenjat se po shembej.
Godina është shembur, duke zënë poshtë banakierin nga Korça, dhe dy balerina. Një prej tyre është gjetur e vdekur. Vajza e cila u gjet e vdekur thonë se punonte kamariere. E ndjera banonte tek “Astiri” në Tiranë.
“Pronari i restorantit ‘MiraMare’ është hedhur nga dritarja, dhe u ka thënë punëtorëve dilni se po këputet pallati. Dhe thonë se kanë zënë banakierin mbi 40 vjeç, më duket se është nga Korça, madje edhe dy balerina kanë qenë aty, njëra u nxor e vdekur.
Mendohet se tani janë edhe dy brenda, një vajzë doli e vdekur. Vajza që u nxor e vdekur thonë se ishte kameriere, banonte tek ‘Astiri’ në Tiranë. I prishën shtëpinë. Një banakier nga Fieri shpëtoi. Ky djali që shpëtoi ka qenë te dhoma 101. Hoteli rrinte hapur 24 orë”, deklaron një nga dëshmitarët.
