Sot rreth orës 14:50, një makinë në qytetin e Elbasanit është përfshirë nga flakët.
Vetëm një ditë më parë, u dogjën dy makinat e familjes së ish-kreut të Gjykatës së Elbasanit Arben Vrioni në lagjen Kongresi Elbasanit.
Sipas Policisë, automjeti tip “Renault” që është djegur ditën e sotme është në pronësi të shtetasit T.K.
Raportohet se automjeti ka qenë i parkuar në bulevardin “Aqif Pasha” pranë lulishtes “Kozma Naska”.
Në njoftimin e Policisë thuhet se nga hetimi paraprak dyshohet se zjarri është aksidental.
