Dy mjete janë djegur gjatë natës në Selenicë të Vlorës. Burimet paraprake të policisë thonë se dy automjete janë djegur në fshatin Vllahinë të Selenicës. Automjetet janë në pronësi të shtetasit me inicialet T.K., ndërsa nuk dihet nëse kemi të bëjmë me zjarrvënie të qëllimshme.
“Më datë 21.09.2021, rreth orës 03:17, në fshatin Vllahinë, Selenicë, ka rënë zjarr dhe janë djegur dy automjete, të dyja në pronësi të shtetasit T. K, banues në fshatin Vllahinë”, njofton policia.
Grupi hetimor po punon për zbardhjen e rrethanave të ngjarjes, dhe shkakut të rënies së zjarrit.
