Eksperti i Shëndetit Publik, Erion Dasho, ka dyshime të forta në atë se çfarë po ndodh në spitalet tona COVID. Duke analizuar situatën në spitalet ku po trajtohen të infektuarit, ai thotë se ka diçka që nuk shkon me të dhënat.
Sipas tij, nuk mund të kesh 15 pacientë të shtruar në reanimacion, dhe të raportosh 8 vdekje si dje apo 12 vdekje si pardje.
Dasho ndërsa e sheh këtë situatë në sytë e një eksperti, thotë se përvoja e botës tregon se rreth 20% e pacientëve të prekur nga COVID që shtrohen në spital, kanë nevojë për kujdes intensiv. Në Shqipëri, ky numër pacientësh duhej të ishte rreth 75 dhe jo 15.
Sot kryeministri Edi Rama ka publikuar një video të xhiruar brenda spitaleve COVID. Në videon e publikuar nga Rama, shihet një pjesë e asaj që ndodh në spitalin COVID 3, dhe sipas kreut të qeverisë ky spital ka kapacitetet e mjaftueshme.
Statusi
367 të shtruar me COVID, 15 në reanimacion, 3 të intubuar, 8 vdekje (5 në moshën 65 vjeç e poshtë)!
Diçka nuk shkon! Nuk mund të kesh 15 pacientë të shtruar në reanimacion dhe të raportosh 8 vdekje si dje apo 12 vdekje si pardje.
Përvoja e botës tregon se rreth 20% e pacientëve të prekur nga COVID që shtrohen në spital, kanë nevojë për kujdes intensiv. Në Shqipëri, ky numër pacientësh duhej të ishte rreth 75 dhe jo 15!
Qytetarët nuk kanë nevojë për filma me krevate bosh apo të mbushur me patetizma! Ata presin transparencë!
A garanton ministria një numër të mjaftueshëm shtretërish të kujdesit intensiv?!
