Kryetarja e Parlamentit të Kosovës, Vjosa Osmani lidhur me dialogun Kosovë-Serbi u shpreh se kryeministri Avdullah Hoti s’ka aftësi negocimi.
Gjithashtu ajo shtoi se Hoti s’ka përvojë në dialog, ndërsa theksoi se Presidenti i Serbisë Aleksandar Vuçiç ka një dekadë që merret me këtë temë:
“Ky është një proces jashtëzakonisht kompleks! E para, aftësi negocimi, në fushën e negociatave të karakterit ndërkombëtar e të cilën z.Hoti nuk e ka sepse nuk e ka mbuluar këtë fushë asnjëherë në karrierën e tij, qoftë si politikan, qoftë si ekonomist. Ne mund ta shohim, por është rrezik që të shkohet me eksperimentime.
Problemi është që përballë e ka një president të një shteti i cili e ka mbulu këtë fushë dhe këtë dialog së paku që një dekadë.
Kurse e dyta është që nuk ka qenë i përfshirë në asnjë nga proceset e shtetndërtimit, qoftë përgatitjet rreth shpalljes së pavarësisë, absolutisht nuk ka asnjë përvojë në negocimin e pakos së Ahtisarit, që t’i dijë detajet e koncesioneve që janë bërë”.
