Paraditen e sotme pritet që të mbahet takimi virtual Hoti-Vuçiç. Shërbimi Evropian i Veprimit të Jashtëm (EEAS), ka publikuar axhendën e plotë të takimit që pritet të mbahet sot mes kryeministrit të Kosovës, Avdullah Hotit, dhe presidentit të Serbisë, Aleksandar Vuçiç.
Ky video-takim pritet të fillojë në orën 10:00. “Dialogu Beograd-Prishtinë i lehtësuar nga Bashkimi Evropian, do të rifillojë në Bruksel në formën e video-konferencës.
Do të jetë takimi i parë i nivelit të lartë i Dialogut që nga viti 2018, dhe do të pasohet nga një takim personal i nivelit të lartë në Bruksel të enjten më 16 korrik”, thuhet në njoftim.
Në takim gjithashtu do të marrin pjesë edhe Përfaqësuesi i Lartë i BE-së, Josep Borrel, dhe Emisari Special i BE-së për dialogun Kosovë-Serbi, Miroslav Lajçak.
