Sapo kanë mbërritur në Itali 30 mjekët dhe infermierët shqiptarë që shkuan në shtetin fqinj për të dhënë kontributin e tyre në këtë periudhë lufte të shkaktuar nga koronavirusi.
Ata janë pritur nga vetë ministri i Jashtëm Luigi Di Maio.
Pasi u takua me ministrin e Jashtëm në detyrë të Shqipërisë, Di Maio falenderoi Shqipërinë për solidaritetin e treguar.
Ai shtoi se ky veprim tregon se Shqipëria e ka vendin në familjen e Bashkimit Europian pasi janë pikërisht këto vlera që ishin në themel të lindjes së unionit dhe se Shqipëria me gjestin e saj po ia kujton këtë edhe disa vendeve të tjera që janë anëtare.
“Falenderoj kryeministrin Edi Rama, qeverinë dhe popullin për solidaritetin e madh që po na tregojnë. Para se këta mjekë hypnin në avion, kryeministri shqiptar mbajti atje një fjalim mallëngjyes, tha se edhe ata po përballen me luftën kundër koronavirusit, por se atje s’mund të mbanin rezerva në një kohë që neve këtu në Itali, miqve të tyre po na mbarojnë rezervat. Solidariteti i tyre tregon një arsye më shumë që Shqipëria të hyjë sa më parë në BE. Shpirti i solidaritetit është ajo vlerë që e bëri të lindë BE dhe që po ua kujton Shqipëria vendeve të BE sot. Faleminderit Shqipëri, faleminderit qeveria”, tha Di Maio.
