Kreu i Partisë Demokratike, Lulzim Basha ka reaguar lidhur me përplasjen fizike gjatë ditës së sotme, midis ish-deputetit Luçiano Boçi dhe policisë, teksa Boçi ka bërë me dije se është kërcënuar nga zv. drejtori i Policisë së Elbasanit, Albert Nushi.
Sipas Bashës, dhunimi dhe shoqërimi i Boçit nga shefi i policisë, tregon, sipas tij pushtetin e grabitur nga votat e blerë nga narko-kriminelët.
“As krimi e as policët e inkriminuar nuk e mbrojnë dot më këtë regjim. Organizatës kriminale të Rilindjes dhe kreut të saj i ka ardhur fundi. Populli është në këmbë dhe nuk trembet e nuk ndalet më!”, shkruan Basha në ‘Tëitter’.
Kujtojmë se ish-deputeti është shoqëruar në polici pas një konflikti me Albert Nushin, por më pas është lënë i lirë.
Reagimi i plotë i Bashës:
Dhunimi dhe shoqërimi i ish deputetit dhe pedagogut Luçiano Boçi nga banditi Bert Nushi tregon se pushtetin e grabitur me narko kriminelë e vota të blera po rreken ta mbajnë me dhunën e policëve të inkriminuar. Ky akt dëshmon friken dhe fundin e afërt të Maduros se Ballkanit.
As krimi e as policët e inkriminuar nuk e mbrojnë dot më këtë regjim. Organizatës kriminale të Rilindjes dhe kreut të saj i ka ardhur fundi. Populli është në këmbë dhe nuk trembet e nuk ndalet më! #ShqipëriaSiEuropa
