Dhuna tek FRD-ja/ Basha mesazh Ramës: S’ke shans ta trembësh popullin

Kryetari i Partisë Demokratike, Lulzim Basha mbërriti te selia e Partisë Fryma e Re Demorkatike (FRD), pas përplasjes që u zhvillua në mesditë ndërmjet forcave të policisë bashkiake dhe anëtarëve të kësaj force politike.

Në një prononcim të shkurtër për mediat, Basha u shpreh se kryeministri Edi Rama nuk ka shans ta trembë popullin me të tilla veprime, pasi më 25 prill do të largohet.

Sipas tij, Rama e ka humbur mendjen pasi e di se do të humbasë, si dhe i frikësohet drejtësisë.

Lulzim Basha: I them nuk ke shans ta trembësh popullin që kja vendosur të të largojë me votë. Nuk ke shans ta trembësh opozitën. 25 prilli është ditë ndryshimi. E dini ju, e dimë ne dhe ndërkombëtarët që do na qëndrojnë pranë. E di edhe Edi Rama. Nga ngjarja e sotme është njëseri ngjarjes që tregojnënjë gjë; ka humbur mendjen, ka dalë nga fiqiri nga paniku i humbjes dhe nga drejtësia që po i vjen. Me një letër bakalli mendojnë se do të ushtrojnë presion ndaj opozitës. 

Mesditën e sotme pati një përplasje midis policisë bashkiake dhe zyrtarëve të partisë Fryma e Re Demokratike. Shkak u bë një dërgimi i një letre nga bashkia Tiranë e cila njoftonte FRD se duhet të boshatiste zyrat.

Sipas bashkisë, godina është e amortizuar dhe se FRD nuk është pronare e godinës. Në këtë përplasje u përfshi dhe Presidenti Meta.