Mjeku, Genti Stroni i ftuar në ‘News 24’ ka folur për dhunën që ushtrohet ndaj bluzave të bardha nga qytetarët.
Sipas tij, mjekët nuk mund të punojnë në kushte të tilla, ku dhuna, sipas tij është kthyer tashmë në një rutinë në spitalet e vendit, ndërsa shtoi se shumë shpejt mjekët do të kenë zërin e tyre për t’i bërë të qarta vendimet se mjekësia është një fushë, e cila nuk ka lidhje aspak me politikën, por është mision në shërbim të qytetarëve.
“Zgjidhja nuk është protesta, por më parë duhet bërë një analizë se pse po shkojmë këtu. Fill pas asaj që kryeministri thotë ka ndodhur edhe në Peshkopi një rast dhune mbi mjekët. Nuk është vetëm ajo se çfarë duhet, por një luftë frontale për atë se çfarë duhet të bëjmë dhe të analizojmë faktorët që çojnë në dhunë.
Nuk është vetëm korrupsioni. Kjo shoqëri është e dhunshme dhe korruptive, por a duhet të ndryshojmë? Hajde dhe bëjmë një analizë të përgjithshme, përshkallëzimi i ligjit është pozitiv për hir të së vërtetës. Ne jemi si mjekësi apartiak dhe shumë shpejt do të kemi zërin tonë përfaqësues. Dhe ne pretendojmë për të drejtat që mjekësia ka” tha ajo.
Pak ditë më parë, kryeministri Rama njoftoi se do të ndryshohet edhe Kodi Penal, ku do të ndëshkohen të gjithë ata që ushtrojnë dhunë ndaj personave që janë në krye të detyrës.
