Një histori vërtetë prekëse është regjistruar në Teksas të SHBA-ve, ku një çift vendosi të martohej në datën e caktuar, edhe pse dhëndri gjendej i shtruar në spital me koronavirus.
Grace Leimann dhe Carlos Muniz, nuk e anuluan dasmën e tyre, por vendosën që pavarësisht rrethanave të vështira ta zhvillonin në datën e përcaktuar.
Vetëm pak ditë para dasmës, Carlos rezultoi pozitiv me koronavirus. Gjendja e tij u përkeqësua shpejt dhe ai u shtrua në njësinë e kujdesit intensiv.
Por kjo gjë nuk e ka ndaluar Grace, e cila i kërkoi leje drejtuesve të spitalit që të martohej me Carlos në spital, pavarësisht se gjendja e tij ishte e rëndë.
E veshur me fustan të bardhë, Grace u fut në dhomën e të dashurit. Në pamundësi për t’i gjetur një kostum Carlos-it, ajo e kishte improvizuar atë me anë të një kartoni.
Familjarët e Carlos ishin të vetmit të ftuar në këtë ceremoni të pazakontë.
