Negociatat për detin me Greqinë ka ngjallur reagime të shumta në politikën shqiptare. Ministri i Jashtëm, Ditmir Bushati i pranishëm në seancën dëgjimore tha se procesin e pengojnë tre gjëra: “egoja, paranoja, dhe Saliu”.
Më tej ai ka hedhur akuza dhe në drejtim të Presidentit Meta, dhe është shprehur se është bëra palë me opozitën për të bllokuar këtë proces.
“E para në përgjigje të opozitës grekë, ministri i Jashtëm grek Kotzias flet shumë qartë dhe thotë se nuk ka një marrëveshje me opozitën shqiptare, sepse dhe ai akuzohet në vendin e tij nga opozita greke.
“Pala shqiptare pret autorizimin e President. Më akuzon opozita greke por nuk ka një marrëveshje ende me Shqipërinë. Unë nuk di çfarë do të thotë një marrëveshje në nivel politik, por në nivel të se drejtës ndërkombëtare”, thuhet në deklaratën e ministrit të jashtëm grek, citoi Bushati.
“Po iu them edhe një herë tjetër që, cilat janë hapat për t’u arritur një marrëveshje në të Drejtën Ndërkombëtare. ABC-ja e Kushtetutës Shqiptare. Së pari nis puna mbi autorizimin që lëshohet plotfuqishmëria dhe nisim negocimet. Kjo marrëveshje duhet të ratifikohet nga ana e Parlamentit në të dyja vendet dhe në vendin tonë do të dekretohet nga Presidenti dhe më pas do të botohet në QBZ.
Ne jemi të vendosur për të ecur përpara në këtë proces. Çdo lloj interesimi do ti japim përgjigje që të ketë sa më shumë qartësi. Është shumë e rëndësishme të ndaj pjesë institucionale nga ajo politike. Ju në 2009 e shpërfillët totalisht Presidentin e Republikës.
Ne jemi plotësisht të bindur se do të kemi një marrëveshje më të mirë dhe më të drejtë, për të dyja palët. Në 2009 Sali Berisha e mbylli këtë çështje me Greqinë. Unë sot me gjithë maturinë, i shikoj aktorët e ndryshëm se nuk e di se çfarë kauze i ka bërë së bashku. Për ne udhërrëfyes mbetet Konventa Vendimi i Gjykatës, dhe Ligji. Është marrë çdo aspekt i kësaj çështje në shqyrtim. Unë e vlerësova Presidentit e Republikës që nuk i kursen komplimentet për Presidentin Grek, por ai nuk duhet t’i kishte kursyer komplimentet dhe për punën që është bërë deri më tani” tha Bushati. TIRANA TODAY
