Ngjarja e Durrësit duket se po merr një tjetër drejtim, e ndërsa policia ka bërë të mundur identifikimin e autorit. Një person me inicialet M.N., është gjetur i vrarë në automjetin tip “Benz”, në zonën e Ish-Kënetës. Mes viktimës dhe autorit ka pasur një sherr në lokal, dhe më pas situata ka degjeneruar në nxjerrjen e armëve. Viktima ka tentuar të largohet me mjetin e tij, kur autori i ka dalë para dhe e ka qëlluar me automatik.
Njoftimi i policisë:
Më datë 24.02.2019, rreth orës 01:10, në lagjen Ish-Kënetë, shtetasi N.Z. 37-vjeç, për motive të dobëta dyshohet se ka vrarë me armë zjarri shtetasin M.N., 45 vjeç, banues në këtë lagje.
Autori i dyshuar pas krimit është larguar menjëherë dhe është shpallur në kërkim. Policia po punon për kapjen e tij.
Grupi Hetimor në bashkëpunim me Prokurorinë e Rrethit Gjyqësor Durrës, po punojnë për zbardhjen e plotë të rrethanave te kësaj ngjarje.
