Brenda radhëve të PD-së ishte konfrmuar se protesta e radhës do të mbahej të enjten, e tashmë është konkretizuar edhe ora se kur do të mblidhen qytetarët. Protesta do të nisë në orën 09:30, ndërsa në 10:00 është parashikuar të nisë edhe seanca parlamentare.
Opozita kërkon dorëheqjen e kryeministrit Edi Rama, ngritjen e një qeverie tranzitore që do e përgatiste vendin për zgjedhje të lira dhe të ndershme, duke i hapur rrugën integrimit europian.
Ky është veprimi i radhës i grupit opozitar, në një sërë aktesh, që filluan me protestën e 16 Shkurtit dhe vijuan me djegien e mandateve nga ana e deputetëve dhe një seri protestash para Parlamentit.
Ende nuk dihet skenari i protestës.
