Në fund të sezonit veror, Brisida Shehaj tregonte me anë të fotove se po kalonte kohën e saj të lirë me kryetaren e LSI-së, Monika Kryemadhin dhe me të rinjtë e kësaj force. Menjëherë u aludua se ajo do kalonte tek LSI-ja, dhe këto zëra kanë rezultuar të vërteta. Shehaj do i rikthehet politikës aktive.
Sot Lëvizja Socialiste për Integrim, ka ndryshuar disa anëtarë të kryesisë së saj.
Sipas burimeve të ‘Dritare.net’, ish-drejtoresha e Përgjithshme e Tatimeve ka marrë postin e nënkryetares së LSI për Tiranën, ndërsa është zgjedhur edhe si anëtare e kryesisë së LSI.
Shehaj ka bërë daljen e parë publike pranë LSI sot në një mbledhje të degës së Tiranës, ndërsa pak ditë më parë tha se ajo është propozuar si kandidate për deputete.
