Një person është plagosur me armë zjarri mbrëmjen e sotme në Selenicë të Vlorës. Mësohet se i plagosuri identifikohet me iniciale N.I., 47 vjeç, ndërsa është dërguar me urgjencë me një automjet privat në spitalin rajonal të Vlorës.
Ende nuk dihen rrethanat e ngjarjes, ndërsa dyshohet se 47-vjeçari mund edhe të jetë vetplagosur me armë zjarri.
Shërbimet e policisë dhe grupi hetimor janë nisur në drejtim të vendngjarjes.
