Policia e Tiranës ka përcjellë të dhënat e para lidhur me shpërthimin e një sasie lënde plasëse në një mjet. Fatmirësisht nuk raportohet për të lënduar, por vetëm për dëme materiale.
Lënda plasëse ishte vendosur në automjetin e shtetasit me inicialet A.B.
“Rreth orës 07:45, në rrugën “Ramazan Bogdani”, në automjetin në pronësi të shtetasit A.B., dyshohet të ketë shpërthyer një sasi e dyshuar lëndë plasëse.
Si pasojë e shpërthimit nuk ka dëme në njerëz, por vetëm disa dëme materiale.
Grupi hetimor ndodhet në vendngjarje, ku po vijon punën për sqarimin e rrethanave të ngjarjes”.
