Deputetja e PS, Senida Mesi ishte e ftuar ne studion e lajmeve të “Fax News”; e pyetur se si është të punosh pa opozitën, ajo është përgjigjur se janë në pritje të plotësimit të vakancave nga deputetët e rinj, që Kuvendi të kthehet në vendin ku forcat politike të debatojnë, të shpalosin platformat, në mënyrë që të arrihet një normalitet si dhe për të arritur shumicën e cilësuar.
“Shpresoj që Parlamenti të kthehet në vendin ku partitë politike të debatojnë, kuvendojnë dhe shpalosin platformat që të bëhet më e mira për shqipërinë. Po presim që të plotësohen vakancat që lanë ish-deputetët, jemi në pritje të betimit të deputetë të rinj për të arritur një normalitet si dhe për të arritur shumicën e cilësuar. Pasi kjo shumicë na duhet të për të votuar ligje të rëndësishme siç është Reforma në Drejtësi”.
Gjithashtu, Mesi theksoi se drejtësia e re do të ngrihet dhe të gjithë ata deputetë ose ish-deputetë kanë shkelur ligjin të paktën një herë do u duhet të ndihen të frikësuar.
Sa u përket protestave të opozitës së bashkuar, deputetja e PS është shprehur se protesta është një akt demokratik, por ka shtuar se njëkohësisht po na rrezikojnë integrimin për në Bashkimin Europian.
“Protestat e opozitës janë legjitime pasi janë shumë të rëndësishme dhe normale në vendet demokratike. Jemi përpara pritjes së përgjigjies për në Bashkimin Europian por fakti që nuk kemi opozitën në Parlament, kjo na rrezikon integrimin në Bashkimin Europian”– u shpreh Senida Mesi.
