Deputeti i Partisë Socialiste, Pjerin Ndreu shpërthen me tone të ashpra ndaj Lulzim Bashës dhe Sali Berishës, teksa i akuzon si përgjegjës kryesor për situatën e krijuar mbrëmjen e djeshme në protestën e organizuar nga opozita e bashkuar.
Përmes një statusi në “Facebook”, Ndreu i quan “vrasës”, ndërsa shkruan se prej tyre ky vend nuk do të bëjë kurrë “hajër”.
“Njerëz të shpërfytyrum që vrasin njerëz dhe s’ju bën përshtypje, ndërsa shqyejnë gojën e protestës për një shkop gome pasi kanë derdhë arsenalin e bombave molotov mbi policinë! Rracë e ndyrë nga e cila ky vend nuk ka hajër”, shkruan Ndreu në rrjetet sociale.
