Deputeti i Partisë Socialiste, Adnor Shameti ka folur në lidhje me ngritjen e komisionit hetimor për shkarkimin e presidentit Meta.
I ftuar në emisionin “Dritare me Rudinën” në News24, Shameti u shpreh se brenda muajit shtator do të kemi një raport përfundimtar të këtij komisioni, i cili më pas do të çohet për votim në Kuvend.
“Komisioni është operativ dhe ka nisur që dje. Do të filloj menjëherë puna për përgatitjen e kalendarit. Unë besoj se në muajin shtator do të kemi një raport përfundimtar në lidhje me shkeljet kushtetuese të Presidentit të Republikës. Brenda muajit shtator do të jetë i përmbyllur i gjithë ky hetim dhe më pas do të çojmë në Kuvend. Kuvendi pastaj voton me votë të fshehtë për shkarkimin. Unë besoj se brenda shtatorit do të kemi një raport përfundimtar të këtij komisioni. Është çështje ditësh, sepse do të kemi të përmbyllur edhe Gjykatën Kushtetuese dhe shpresoj që do të plotësohet ajo brenda korrikut”, deklaroi ai.
