Deputeti i Partisë Demokratike, Florian Mima ka zbuluar edhe një detaj lidhur me një sherr që sipas opozitës ka ndodhur mes kreut të qeverise dhe ministrit Pandeli Majko, i cili është larguar nga Kuvendi.
Më herët Majko ka deklaruar se ishte një nga ata që do të votonte kundër projektligjit për shembjen e Teatrit Kombëtar.
“Nuk po shikoj zotin Majko në sallë, sapo e përzuri qeveri. Nuk e di nëse e përzutë ju Majkon apo iku vetë. Mos e prishni teatrin, o delenxhinj” pohoi Mima.
Ndërkohë deputetë të PD deklaruan se kanë dëgjuar kryeministrin Edi Rama që të debatojë për këtë çështje me Majkon.
“Në 38 Franceko Jakomoni firmos truallin me 10 mijë metra katrorë nga familja Libohova për rreth 75 mijë franga ari. Afërsisht 4-fishi i vlerës që vlerësohet nga qeveri shqiptare. Dhe pasi e blen ia dhuron publikut shqiptar me një kusht, prona të përdoret për të mirën publike, edukim dhe kulturë. Në ’44….Jo ishte një fshatar poture grisur, me këpucë me baltë dhe me bajga, i pari që hodhi idenë e prishjes së Teatrit, e pallatit të Mbretit, edhe të ministrive, edhe RTSH, por arriti të thyente qelqurinat tek pallati i mbretit dhe te ndynte krevatin me opingat. Në 58 një fshatar poture grisur….në 58 ky individ bëhet drejto tek sigurimi i Shtetit. I bën një letër Enver Hoxhës që Teatri duhet të prishej. Për hir të të vërtetës Hoxha nuk firmos. Në 2002 kemi një tjetër person, që sugjeroi që teatri të bëhej muze që të vareshin brekët e Violeta Manushit,. Por kryeministri i kohës, Pendeli Majko, s’po e shoh në sallë, se di iku vet apo e përzutë ju (E përzuri-ndërhyjnë deputetët e PD) ai refuzon. Propozuesi fut bishtin ndër shalë në pritje të propozimeve të reja. Sot ai është bërë sulltan. Sot populli thotë unë jam teatri, ai bën karshillik e thotë; unë jam kulla. Dikur rrinte me njerëz të ndritur, të shkolluar dhe merrte edhe ndonjë ide. Sot si fashistoid e harroi kthimin në identitet, ai u kthye në Satana”
