Deputeti i CDU/ CSU-së, Peter Beyer, ka shprehur pakënaqësi me vendimin që Gjykata e Krimeve të Rënda mori ndaj ish ministrit të Brendshëm, Saimir Tahiri.
Në fjalën e tij në Bundestag për Shqipërinë dhe Maqedoninë e Veriut, ai foli edhe për çështjen Tahiri, ku tha prerazi: “nuk na hidhni dot hi syve me atë dënim”.
Deputeti i CDU/CSU, Florian Hahn është shprehur se Shqipëria ka bërë përparim në sistemin e gjyqësorit, por ka ende punë për të bërë në luftën kundër krimit të organizuar.
“Po të votojmë për Shqipërinë, i japim një shans historik. Kemi vendosur kritere shumë të forta për Shqipërinë, të ndara në dy faza. Hapja e negociatave nuk do të thotë anëtarësim”, tha Florian Hahn.
