Ndonëse sot pritet që të diskutohet një projekt-rezolutë shumë e rëndësishme, si ajo e negociatave të Shqipërisë me BE-në, deputetët kanë zgjedhur të mungojnë në këtë seancë.
Më shumë se gjysma e deputetëve nuk janë të pranishëm në seancë, dhe për këtë reagoi edhe deputetja Rudina Hajdari. Ajo iu drejtua kryetarit të Kuvendit, Gramoz Ruçit, të cilit i tha se në sallë duhet të jenë të pranishëm të gjithë deputetët.
“Në momentin përfshi edhe qeverinë, e cila duhet të jetë këtu prezent. Prandaj do inkurajoja që deputetët të vinin këtu në sallë, në qoftë se janë në kafe, të diskutonin rezolutën e cila është tejet e rëndësishme për çeljen e negociatave në 17-18”, tha Rudina.
Nga ana tjetër, Ruçi me mikrofonin e hapur u bëri thirrje Shërbimeve të Parlamentit, që të shohin se ku janë deputetët.
