Ish-truproja e Sali Berishës, Izet Haxhia, i cili akuzohet për vrasjen e ish-deputetit demokrat Azem Hajdari do të qëndrojë në Prokurorinë e Krimeve të Rënda me orë të zgjatura.
Ai do të japë dëshminë e tij për “vrasjen e shekullit”, e konsideruar si çështja më e nxehtë e drejtësisë shqiptare.
Kujtojmë që në fillim të muajit tetor, automjeti që transportonte Haxhinë drejt Prokurorisë së Krimeve të Rënda u përplas nga një makinë tjetër. Sakaq, avokati i tij mbrojtës, Idajet Beqiri pretendon se klienti i tij u rrezikua të eliminohej, pasi paralajmëroi deponime kundër Berishës.
Vendimin për fatin e tij do ta japë Gjykata e Lartë. Haxhiaj i cili u ekstradua nga Turqia pak muaj më parë u dënua në mungesë me 25 vite për vrasjen e Hajdarit.
