Ministria e Shëndetësisë ka bërë publik udhëzuesin mbi protokollin sanitar që do të ndjekin kopshtet dhe çerdhet në procesin e rihapjes.
Këto të fundit pritet të rihapen më datë 1 qershor 2020. Në udhëzuesin e MSH theksohet se rregullorja është paraprake dhe se mundet edhe të ndryshojë, në varësi të faktit sesi shkon situata.
Sipas kësaj rregulloreje, vogëlushët duhet që të lajnë duart shpesh, t’ju matet temperatura, të mos ketë organizim të festave të ditëlindjeve në këta ditë në ambiente kopshti etj.
Orari për sjelljen dhe marrjen e fëmijëve nga kopshte do të përcaktohet sipas një grafiku duke qenë nën monitorimin e edukatoreve për të shmangur grumbullimet e prindërve në këto institucione. Prindërit duhet të jenë të përpiktë me këtë orar, si dhe me distancën 1.5 metra nga prindërit e tjerë. Institucioni duhet të jetë i pajisur me higjienizues.
Udhëzuesi i plotë në foto:
