Çdo vit ka rrjedhje të tezës, pak para se maturantët të hyjnë në provim. Ndonëse denoncohet në mënyrë të vazhdueshme, kjo problematikë duket se ende nuk ka marrë zgjidhje. Eksperti i Arsimit pranë PD, Ndriçim Mehmeti ka denoncuar këtë rast, i cili është i përsëritur.
Ai ka publikuar tezën e provimit të Gjuhë-Letërsisë, ndërsa thotë se ka qarkulluar sapo ka nisur provimi. Ndriçim Mehmeti akuzon Ministren e Arsimit, Evis Kushin, për keqmenaxhim të sistemit arsimor.
“Nuk heqim dore nga tradita e mire e daljes, shperndarjes dhe zgjidhjes se testit ne kohen e duhur. Qe ne oren 10.00 testi i Gjuhes Shqipe dhe Letersise ka marre rruget nga shkollat ne tryezat e kafeneve per zgjidhje dhe dorezim pergjigjesh ne kohen e duhur. E kam te qarte qe fajin e ka opozita, se ka brenda ata te FRPD dhe mesues te djathte qe duan ti nxijne faqen arsimit Rilindas. Ky eshte nje mireadminstrim i çorganizuar me sukses nga Ministria e Arsimit. Mos e kerkoni fajin askund veç paaftesise tuaj. Suksese ne jete zysh Kushi”.
