Drejtori i Institutit Kombëtar të Alergjisë dhe Sëmundjeve Infektive, Anthoni Fauci është shprehur se numri i vdekjeve nga koronavirusi në SHBA, mund të jetë 60,000.
Fauci, i cili është një prej anëtarëve kryesorë të grupit të punës pranë presidentit amerikan tha se efekti i masave për distancimin social e kishte nxitur atë të rishikonte parashikimet e tij.
“Të dhënat reale na tregojnë se ka shumë gjasa që ne të kemi një efekt të qartë pozitiv nga masat lehtësuese që po bëjmë, ky distancim fizik”, tha ai në një intervistë për NBC të enjten.
Dr Fauci tha që numri i të vdekurve duket më shumë tek 60,000, sesa parashikimi i mëparshëm që ai kishte bërë se mbi 100,000 mijë persona do humbnin jetën nga COVID-19.
Por pavarësisht kësaj ai u shpreh se nuk duhet të gëzuar akoma, teksa shton se “ne duhet të jemi të kujdesshëm që të mos themi, në rregull, ne po bëjmë aq mirë sa të mund të tërhiqemi”.
Në intervistën e tij për NBC, Fauci tha se SHBA ishte “në fillimet” e rrafshimit të kurbës së përhapjes së Covid-19, veçanërisht në New York.
