Mbledhja e sotme e Komisionit parlamentar të Integrimit ka nisur me debati. Deputetët e opozitës parlamentare Rudina Hajdari dhe Ralf Gjonaj janë larguar nga mbledhja, për shkak të vonesës së zv.ministrit të Jashtëm, Etjen Xhafaj. Po ashtu, në këtë Komision nuk ishte i pranishëm edhe ministri i Jashtëm në detyrë, Gent Cakaj.
“E papranueshme vonesa në mbledhje. Në komision duhet të jetë ministri në detyrë”, deklaroi Hajdari, e më pas vendosi që të largohej nga Komisioni. Mbledhja është drejtuar më pas nga nënkryetarja e Komisionit, Senida Mesi.
“Ky është kalamallëk. Ralf, ditë të mbarë”, tha Mirela Kumbaro.
Sakaq, Ralf Gjonaj iu përgjigj: “Duhet të largohemi nga metoda provinciale e komunikimit që u vë re në këtë sallë”.
Teksa kërkoi ndjesë për vonesën, Xhafaj deklaroi se ministri Cakaj ka udhëtuar drejt Bratislavës, ku do zhvillohet një mbledhje e OSBE-së.
