Presidenti Meta ka njoftuar pak më parë se data e re e zgjedhjeve do jetë 13 tetori.
Menjëherë pas këtij vendimi, kryeministri Rama reagoi duke akuzuar Metën se dekretet favorizojnë “Saliun, Lulin e Monikën”. Por Rama nuk e ka lënë me kaq.
Ai ka reaguar prapë, sa i përket këtij vendimi duke ironizuar me pjesën e fallxhores që e ka përdorur shpesh kohët e fundit, për të vënë në lojë opozitën dhe sidomos kryetaren e LSI-së Monika Kryemadhin.
Kryeministri, më herët kishte parashikuar se data e re që do vendosej nga presidenti Meta do të ishte 21 tetori, por që nuk doli të ishte kështu.
Me anë të një postimi në Twitter, kryeministri e lidh datën e zgjedhur me ish-kryeministrin Sali Berisha, për të cilin thotë se Meta e ka si shpirt, kur shpirtin ia merr peng paniku.
Postimi i plotë:
E paska lëvizur datën me 8 ditë, se 21-shi i binte e hënë ose pastaj e ka lexuar si 2 ditë para ditëlindjes së 1-shit, domethënë Doktorit, që e ka si shpirt kur shpirtin ia merr peng paniku??.
https://www.instagram.com/p/BzN82TgDy0I/?utm_source=ig_web_copy_link
