Kryeministri Rama ka shuar heshtjen, ndërsa ka folur për videon virale ku ministra dhe zyrtarëve të lartë darkonin në një prej restoranteve më luksozë në Dubai. Në një nga reagimet në Facebook të Ramës, një qytetar ka shpërthyer në revoltë të hapur, duke ia bërë të qartë se varfëria është ulur këmbëkryq.
Statusi nga qytetari:
“Ne dubai pelsasin karkalecat ju mbetshin ne fyt ne lene se nuk na japin gje po me mbyllin edhe at lokal te vogel qe mbaj familjen ku te mbytem jemi ne meshir te fatit si ata femit jetima plus cfar me vjen keq jan disa servila ketu per cdo gje thojn bravo mua sme plas a luli as mona ne thjesht duam te jetojm”.
Këto pamjen që sollën reagime të shumta, kryeministri Edi Rama i sqaron duke thënë se ishte një darkë pune, dhe se shpenzimet janë paguar nga pala pritëse. Kreu i qeverisë deklaron se në Dubai ka shkuar një grup i madh me përfaqësues të qeverisë, pushtetit vendor, mediave, me ftesë nga pala pritëse. Ai shton më tej se s’kanë shkuar për karkaleca, por për të sjellë investime në Shqipëri dhe se shpenzimet mbulohen nga pala mikpritëse.
Statusi nga Edi Rama:
“Mos u mbyt ne portalet e atyre qe vetem hedhin helm, po informohu dhe do ta mesosh qe ne Dubai ka shkuar nje grup i madh me perfaqesues te qeverise, pushtetit vendor, mediave, me ftese nga pala pritese dhe s’kane shkuar per karkaleca po per te sjelle investime ne Shqiperi, nderkohe qe tere shpenzimet mbulohen prej mikpritesve, keshtu qe kjo qe thua s’ka asnje lidhje, ndersa lokalin e vogel nuk besoj te ta mbylle qeveria, se qeveria nuk mbyll lokale dhe ty nuk te ka lene jetim, sepse kush ka lokal te vogel i jane hequr taksat e qeverise dhe i jane bere ZERO!”.
