Lëkundet sërish toka në Turqi. Kjo goditje e fortë vjen pak më shumë se një muaj nga tërmeti tragjik i Izmirit.
AFAD njoftoi se tërmeti me madhësi 5.2 u regjistrua pranë rrethit Gazipaşa të Antalias në orën 15.44 (lokale). Ndërkohë, Observatori Kandilli njoftoi madhësinë e tronditjes si 5.4.
Sipas të dhënave të para, tërmeti kishte në një thellësi prej 77.58 kilometrash. Lëkundjet kanë qenë të forta, ndërsa qytetarët kanë dalë jashtë banesave të tyre për shkak të frikës.
Sipas CNN Turk, lëkundja është ndjerë të paktën shtatë sekonda. Fatmirësisht nuk ka raportime për të lënduar apo për dëme materiale.
Pak javë më parë, qyteti i Izmirit në Turqi u godit nga një tërmet i fuqishëm me magnitudë 6.6, ku humbën jetën 114 persona, ndërsa 1035 të tjerë u plagosën pas shembjes së ndërtesave.
