Partizani ka marrë përgjigjet për pjesën më të madhe të lojtarëve, të cilët kanë bërë testet për COVID-19. Tre futbollistë të tjerë kanë dalë pozitivë me COVID 19, pas Feratit dhe Boldorit.
Në total janë kryer 50 tamponë, dhe nga përgjigjet zyrtare të konfirmuara nga ISHP-ja (Instituti i Shëndetit Publik), tre pjesëtarë të ekipit, Erald Çinari, Esat Mala dhe Kristi Kote, kanë rezultuar pozitivë me ‘COVID-19’ dhe janë asimptomatikë. Sakaq, pjesa tjetër e skuadrës, stafi dhe punonjës të klubit kanë dalë negativë.
“FK Partizani njofton rezultatet e testeve të kryera nga ekipi për ‘COVID-19’. Në total janë kryer 50 tamponë, dhe nga përgjigjet zyrtare të konfirmuara nga ISHP-ja (Instituti i Shëndetit Publik), tre pjesëtarë të ekipit, Erald Çinari, Esat Mala dhe Kristi Kote, kanë rezultuar pozitivë me ‘COVID-19’ dhe janë asimptomatikë.
Pjesa tjetër e skuadrës, stafi dhe punonjës të klubit kanë dalë negativë. Në zbatim të protokollit të miratuar nga Ministria e Shëndetësisë dhe e Mbrojtjes Sociale, lojtarët janë izoluar dhe nuk do të jenë pjesë e skuadrës për ndeshjen e radhës.
Ekipi gëzon gjendje optimale dhe pavarësisht mungesave, është gati për të dhënë maksimumin në derbin me Tiranën”, thuhet në komunikatën e Partizanit.
