Kryeministri Rama, në konferencën për media të mbajtur sot, nuk ka ngurruar që të sulmojë jo vetëm opozitën, por edhe analistët e medias.
Në shigjetimet e kryeministrit ka qenë analisti Andi Bushati, i cili e ka etiketuar si një person që mezi pret që ta sulmojë pa asnjë bazë për shifrat e ekonomisë. Sipas kreut të qeverisë, janë disa personazhe që dalin nëpër prita me lapsa në dorë, dhe tregojnë raporte dhe përrralla.
“Janë disa njerëz që më dalin netëve, nëpër prita me lapsa në dorë dhe dalin nëpër emisione dhe më tregojnë raporte dhe përralla mu nëpër emisione e studio”, deklaroi Rama.
Ndonëse nuk përmendi emër specifikisht, bëhet fjalë pikërisht për analistin Andi Bushati, i cili ka pasur përplasje tejet të forta në emisionin “Open” në Top Channel.
