Vajza që mezi mund të dallohet në foton më poshtë, është autorja e krimit të rëndë që ka tronditur me 27 gusht Dibrën e Madhe. Blerta Pocesta ka pranuar në polici vrasjen e 3 familjarëve të saj në Dibër të Maqedonisë dhe ndodhet në paraburgim. Pocesta akuzohet se ka vrarë prindërit dhe motrën e saj dhe më pas tentoi ta fshehë autorësinë e krimit, raportojnë mediat italiane.
Amid Pocesta 55 vjeç, Nazmije Pocesta 53 vjeç dhe vajza e tyre Anila Pocesta 14 vjeç u ekzekutuan ndërsa po flinin gjumë. Nuk dihen shkaqet përse vajza e madhe e familjes ka kryer këtë krim të tmerrshëm.
Familja shqiptare Pocesta, që jetonte në Itali, kishte shkuar për pushime dhe kishin edhe një rat martese në Dibër të Madhe të Maqedonisë.
Vajza e madhe Blerta Pocesta ka hyrë në Maqedoni një ditë përpara se të ndodhte krimi dhe po atë ditë ka dalë nga vendi. Kjo është e konfirmuar nga të dhënat zyrtare të autoriteteve kufitare maqedonase. Ajo mendohet se është ndihmuar nga një person tjetër me iniciale F.G. nga Gostivari, i cili është emër i njohur për policinë vendase.
Në vrasje i përfshirë është edhe nipi i këtij të fundit, i cili është arrestuar nga policia dhe ka pranuar që i ka shitur armën vajzës së madhe të familjes Pocesta. Por ky i fundi në polici ka rrëfyer ndër të tjera se Blerata e ka pranuar krimin në policia. Gjithashtu mediat italiane kanë ngritur dyshimin se vajza e madhe e familjes është ndihmuar nga e motra me e vogël e quajtur Mukades Pocesta 25-vjeçe./Tirana Today/
