S’ka ende lajme të mira për Cristiano Ronaldo-n, i cili rezulton sërish me koronavirus. Për të ka shkruar “Correio de Manha”, media sipas së cilës kampioni portugez i Juventusit, një javë pasi ishte konfirmuar me Covid-19, nuk është rikuperuar ende.
Përgjigjja e tamponit përbën një lajm të keq për vetë futbollistin. Gjasat janë që të humbasë përballjen e së mërkurës së ardhshme me Messin dhe Barcelonën, në Champions.
Lajm i mirë është se Ronaldo nuk ka asnjë shqetësim shëndetësor, nuk ka simptoma dhe stërvitet rregullisht në kushtet e karantinës, në shtëpi.
Dje ai u shfaq i qeshur dhe me një “look” të ri në biçikletën e forcës, duke i dërguar një puthje Georgina-s.
