Zvicra ka konfirmuar 3 viktima nga koronavirusi në orët e fundit, duke e çuar në 36 numrin total të të vdekurve.
Gjithashtu ka pasur edhe një rritje të ndjeshme të numrit të infektuarve brenda një dite të vetme. Mediat vendase raportojnë se në 24 orët e fundit janë regjistruar 824 të prekur, duke çuar në 3,939 numrin total të infektuarve.
Ndërkohë vetëm 15 pacientë kanë arritur të shërohen nga ky virus.
Evropa është kthyer tashmë në epiqendrën e re të koronavirusit. Deri para pak ditësh, Kina ishte epiqendra e koronavirusit, por ditët e fundit ajo ka shënuar numrin më minimal të të prekurve nga ky virus.
Ditën e sotme në Kinë janë raportuar vetëm 34 raste të reja infektimi dhe asnjë viktimë.
Rreth 230 mijë njerëz nga e gjithë bota janë prekur nga Covid-19, ndërsa numri total i viktimave ka shkuar në 9,386.
