Ministria e Shëndetësisë dhe Mbrojtjes Sociale ka publikuar një informacion shtesë që lidhet me koronavirusin.
Ajo njofton se pavarësisht klimës, koronavirusi mund të transmetohet në të gjitha zonat.
“Nga të dhënat e deritanishme, koronavirusi ? mund të transmetohet në të gjitha ?zonat pavarësisht klimës.
?Ndaj, mos harroni të zbatoni rregullat?
?️Qëndroni në shtëpi.
?️Respektoni rregullat e distancimit social.
?️Respektoni rregullat e higjenës”, thuhet në njoftim.
Si paraqitet situata në vendin tonë sipas MSHMS?
Në vendin tonë deri më sot janë testuar 1325 raste të dyshuara për COVID-19 të cilat kanë rezultuar:
197 raste të konfirmuara;
10 pacientë kanë ndëruar jetë;
33 pacientë të shëruar.
Këto të dhëna mund të përditësohen në orët në vijim.
Kujtojmë se Ministria e Shëndetësisë dhe Mbrojtjes Sociale herë pas here iu bën apel qytetarëve:
“Mos shkoni menjëherë në spital!
Ministria ka vënë në dispozicion një linjë të gjelbër falas 0800 40 40 për çdo qytetar që kërkon informacon apo këshilla në lidhje me COVID-19. Kjo linjë do të shërbejë edhe për pacientët kronikë që të marrin informacion se si të lidhen me mjekun e familjes, se si mund të përfitojnë barnat me rimbursim dhe për çdo shqetësim tjetër që ata kanë.
Por është e rëndësishme të sqarohet se: Nëse qytetarët kanë shenja të sëmundjes dhe për rastet e urgjencave duhet të telefonohet numri unik i urgjencës kombëtare 127!
Qëndroni në shtëpi!
Respektoni rregullat e distancimit social.
Respektoni rregullat e higjienës”.
