Ambasadori i Bashkimit Europian në Tiranë Luigi Soreca ka njoftuar se në Shqipëri do të mbërrijnë 20 mijë teste për COVID-19.
Përmes një postimi në rrjetet sociale, Soreca shprehet se donacioni në fjalë është nga Bashkimi Europian.
“Sa më të besueshme janë testet, aq më efektive është lufta”, shkruan ndër të tjera Ambasadori.
Postimi i plotë i Soreca-s: “Donacioni i BE për materiale kontrolli për COVID-19 është gjatë rrugës. 20 mijë teste do t’i vihen në dispozicion Institutit të Pajisjeve të Shëndetit Publik në Tiranë. Sa më të besueshme janë testet, aq më efektive është lufta! BE qëndron pranë Shqipërisë”.
