Presidenti i Federatës italiane të futbollit Gabriele Gavrina përgjatë një interviste për “sportmediaset”, ka rrëfyer se ditën e martë do i bëjë UEFA-s një kërkesë urgjente për shkak të koronavirusit.
“Italia në këto momente është dy javë përpara vendeve të tjera në shpërthimin e kësaj pandemie. Të martën do i kërkojmë UEFA-s që të shtyjë Europianin. Shpresojmë të nisim Serie A në maj dhe të përfundojmë kampionatin në fund të qershorit. Duam që Serie A të jetë mbyllur me 30 qershor”, deklaroi Presidenti i Federatës.
I pyetur nëse lojtarët mund ta kenë humbur formën e tyre kur kampionati të rifillojë, Gavrina u përgjigj:
“Lojtarët le të rrinë në paqe në shtëpitë e tyre, kanë nevojë për të rikuperuar energjitë fizike dhe psikologjike. Le të qëndrojnë edhe pak kohë me familjet e tyre, kanë nevojë dhe e meritojnë diçka të tillë. Mbrojtja e shëndetit është gjëja kryesore”.
