Duke qenë se pati një përkeqësim të situatës për shkak të koronavirusit, Presidenti i Maqedonisë së Veriut, Stevo Pendarovski vendosi të zgjasë edhe për dy javë gjendjen e jashtëzakonshme në vend.
Ai u shpreh se gjendja e jashtëzakonshme do të vijojë dhe për dy javë, përkatësisht deri në 13 Qershor.
Në 48 orët e fundit në MV kanë humbur jetën 9 persona si pasojë e COVID-19.
Që nga fillimi i pandemisë e deri më tani në Maqedoninë e Veriut janë shënuar 131 viktima dhe 2.164 të infektuar.
Kujtojmë se në shtetin fqinj së shpejti pritet të mbahen zgjedhjet e parakohshme.
Gjithnjë e më shumë po përflitet 5 Korriku si datë e mundshme mirëpo kjo ende nuk është konfirmuar nga partitë politike.
