OBSH i ka dalë kundra SHBA-së, se virusi është krijuar në laboratorin e Wuhanit në Kinë. Kjo përgjigje vjen në një kohë kur presidenti amerikan Donald Trump, ka lëshuar një mori akuzash ndaj Organizatës Botërore të Shëndetësisë. Por së fundmi, kjo organizatë i ka konsideruar qëndrimet e SHBA-së si pretendime ‘spekulative’.
Një ditë më parë, qeveria amerikane publikoi një raport, duke pretenduar se Kina është fajtore për virusin, dhe se ka mashtruar botën ndërkohë që po siguronte mjete mbrojtëse për Covid-19.
Këto pretendime janë parashtruar më herët nga Trump dhe sekretari i Shtetit, Mike Pompeo, se koronavirusi i ri e kishte origjinën nga një laborator kinez.
“Ne nuk kemi marrë asnjë të dhënë ose provë specifike nga qeveria e Shteteve të Bashkuara, në lidhje me origjinën e supozuar të virusit. Kështu që nga këndvështrimi ynë, kjo mbetet spekulative”, tha drejtori i emergjencave, Michael Ryan, në një konferencë online.
