Në Spanjë, dita-ditës vijon që të ulet numri i viktimave nga koronavirusi.
Gjatë 24 orëve të fundit janë regjistruar 510 të vdekur.
Ministria spanjolle e Shëndetësisë njoftoi se numri total i viktimave si pasojë e COVID-19 ka shkuar në 16,353.
Ndërsa sa i përket numrit të të infektuarve, autoritetet spanjolle pohuan se ka shkuar në mbi 161 mijë.
Kujtojmë se Amerika është vendi i parë në botë që ka shënuar më shumë se 2000 viktima në 24 orë nga koronavirusi.
Sipas të dhënave zyrtare, në SHBA, përkatësisht 2,108 njerëz vdiqën gjatë 24 orëve të kaluara ndërsa në total regjistrohen rreth 501 mijë të infektuar dhe 18777 viktima.
