Zv.Ministrja e Shëndetësisë Mira Rakacolli në një lidhje direkte me emisionin “Real Story” komentoi lehtësimin e masave nga ana e qeverisë lidhur me koronavirusin.
Rakacolli paralajmëroi qytetarët se nëse nuk ndiqen me përpikmëri rregullat, rrezikojmë që kurba e shifrave me COVID-19 të rritet.
“Ne patjetër që jemi në rrezik për ta çuar kurbën sipër, nëse nuk respektohen masat. Është një plan gradual, që do të vlerësohet për dy javë nga fillimi. Nëse numrat nuk shkojnë ashtu siç mendojmë, mund të hiqen dhe këto masa që janë marrë.
Është parashikuar që të bëhet hapja me faza, është e rëndësishme që të bashkëpunojmë me qytetarët. Nëse nuk kemi bashkërendim e bashkëpunim, ka mundësi që epidemia mos të shkojë në ato shifra që ne mendojmë”, u shpreh Zv.Ministrja.
