Që prej 8 marsit, Shqipëria është futur në listën e shteteve të prekura nga koronavirusi.
Me udhëzimin e qeverisë, qytetarët u karantinuan në mënyrë që të frenohej përhapja e COVID-19.
Mjekja psikiatre Arjana Rreli përgjatë një prononcimi për “Abc News”, deklaroi se ka shtim të rasteve me gjendje ankthi.
“Të gjitha masat e marra i shërbyen shëndetit tonë.
Ishte primare që ne të mbronim shëndetin tonë fizik nga virusi. Por nga ana tjetër ato vazhdojnë të kenë një kosto të lartë për shëndetin mendor.
Vetë sulmi i papritur, mënyrat e sjelljes së pakontrolluar të këtij virusi, por edhe kushtet ku ne u vendosëm menjëherë pa provuar më parë mekanizma përshtatës që të zbusnin sadopak këtë kufizim bënë që secili nga ne të manifestonte shenja të stresit.
Problematika më e hasur janë çrregullimet e ankthit, frika, çrregullimet e gjumit, nervoziteti i shtuar”, u shpreh mjekja.
