Mjeku i njohur Isuf Kalo ishte i ftuar sot në emisionin “Kjo Javë”, prej ku komentoi situatën e krijuar nga COVID-19 në vend.
Ai theksoi se në fillim koronavirusi u nënvlerësua, por tani janë duke u marrë masat e duhura.
“Askush nuk e njeh këtë virus, askush nuk e di nëse mbaron në qershor. Kjo është një luftë që na ka kapur të papërgatitur. Me logjikë veprohet kështu, që të minimizojmë kontaktet, është virus i egër dhe tinzar, pasi e prek një njeri rri i heshtur dhe prek edhe të tjerët deri sa vjen dhe shpërthen”, tha Kalo.
Sipas disa studimeve, thuhet se koronavirusi nuk reziston në temperatura të larta, megjithatë ende nuk është konfirmuar asgjë.
