Wuhan-i i Kinës, aty ku shpërtheu koronavirusi për herë të parë, së fundmi ka kryer një veprim i cili është për t’u marrë shembull nga të gjitha vendet.
Pas disa muajsh pa asnjë rast të ri me koronavirus, në Wuhan në fillim të Majit u regjistruan disa raste pozitive me COVID-19.
Kjo shkaktoi shqetësim dhe panik pasi qytetarët i trembeshin një vale të dytë të pandemisë.
Kësisoj, reagimi i qeverisë ishte i menjëhershëm dhe tepër ambicioz.
Është vendosur që e gjithë popullsia (11 milion banorë) të testohet, në mënyrë që të kuptohet se kush është me koronavirus dhe kush jo.
Kujtojmë se këtë veprim e sugjeroi për të gjitha shtetet OBSH-ja para disa muajsh.
Sakaq, Wuhan-i është ndër të paktat vende që e ka marrë parasysh sugjerimin në fjalë.
Brenda ditës së djeshme, thuhet se janë kryer 1.4 milion teste për COVID-19.
Ndërsa pjesa tjetër e popullsisë pritet që të testohet gjatë ditëve në vijim.
Autoritetet përkatëse besojnë se kjo është mënyra më e mirë për të siguruar rihapje të sigurt të bizneseve dhe shkollave.
